بحبك

بحب إنى افتح الشباك
 على بكره وعلى امبارح

 بحب الصحبه واللمه 
ولومهم مهما كان جارح

بحب غنايا والحواديت 
ونبض قلوبنا لوطارح

مطارح يبتديها بنور
 يخطى السور يعدينى

 ***

يشقشق فجرك الزاهى
على ضل الامل الوان 

ويرسم صوره فى عيونى
 تأكد ليهم العنوان

ويضحك لما تبتسمى يقول
 رسمى انا اللى بان

وانا والفجر والبسمه نقول
 مكتوب على جبينى

***  

ياكل العالم اسمعنى
انا مش فارس الميادين 

ولا مرابط هنا يعنى 
ولا طول عمرى كنت سجين

ولا كان الهتاف توبى
 ولا بحسب طريقى منين

انا انسان بينسونى
 وجيلك لجل تحمينى 

 ***

ووسط اليل يغيب قمرك
 وينسانى وليلك مر

ساعات الصبر تقتلنى
 واحايل فيها لما تمر 

واقول الكلمتين هما 
ويحلالى مادمت اناحر

بحبك لو هموت فيكى 
واحبك لو هتنسينى

***